墨汁鮮魷 / 陳皮狗仔鴨

昨晚與家人去了「北角渣華道街市」這間「東寶小館」食晚飯，

喜歡週圍搵好野食既朋友，應該認識呢間以主打創新菜式的小館，

別小看她位處於街市內，每晚都座無虛席

(我們昨晚於八點離開時，仍然有大約廿幾人等緊位，認真誇張)。

昨晚我們點了五菜一湯，包括：

「馳名風沙雞」、「菠蘿咕嚕肉」、「金銀蛋肉碎莧菜」、

「墨汁鮮魷」、「陳皮狗仔鴨」、「荳腐魚雲湯」。

其實越普通的菜式就越考到大廚的真功夫，

「馳名風沙雞」雞皮脆、雞肉嫩滑，

「菠蘿咕嚕肉」好惹味，

 「金銀蛋肉碎莧菜」莧菜煮得好爽、不太諗，

「墨汁鮮魷」夠特色，可惜今次食好乾身，無上次食咁多墨汁，魷魚亦少咗，無第一次食咁大驚喜，

但提提大家食完要即刻飲茶漱口，因為食完之後成條脷、成排牙都係黑色架，好攪笑！

「陳皮狗仔鴨」用咗好多香料醃製，鴨肉炆得好淋、好入味。

「荳腐魚雲湯」湯好清、好好味！

食物方面幾有水準，唯獨街市環境一般，

大家可能會覺得冷氣不足、環境比較嘈吵、沒有設有非吸煙區，這點要衡量吓啦！

「墨汁鮮魷」

「陳皮狗仔鴨」