「廣東俚語」的由來

「放飛機」的由來

何為「放飛機」呢？話說舊香港，有一日，就要上演飛機飛行。香港有史以來第一次有飛機睇！

仲要係部水上飛機添！全香港萬眾期待：有人要放飛機睇啊！

第一日到來，因為打風開不得，眾人失望而歸；

第二日，天朗氣清，各人以為有得睇，點知個飛機師病，要推到第三日。

而第三日呢，到部機個引擎出事，修理唔到。

跟住就 ── Bye Bye 喇！所以人就用「放飛機」去形容講去做，但又唔做既行為！

「巴閉」的由來

「巴閉」來自廣州話。漢朝既時候廣州已經同東南亞及中東等國家人民做生意，

D 印度商人好鬼嘈，成日叫：「BAP RE， BAP RE！」，呢句意思係「我的天呀！」，

於是廣州人就學佢地講 ，講下講下就變成今日「巴閉」喇！

「混吉」的由來

原來係因為以前既小型飯店，只要你去幫襯就會免費奉送一碗清湯，飯店每日所售雞鴨鵝豬牛肉，

都用呢一鍋水整熟既，所以湯入面有肉味，然後落一堆味精，就係一碗清湯啦！

因為係清湯，所以入面乜料都無，即係空空如也，香港人覺得「空」等於「 兇」，

所以改成「吉」，所以碗湯就叫做「吉水」。

當時，有好多窮人，入到飯店，一坐低，伙記就攞一碗「吉水」，D 窮人一口氣飲完，

靜雞雞就走左，因為呢碗湯係免費，所以飯店唔可以捉，所以伙記就叫呢種混騙行為叫做「混吉」！

「大耳窿」的由來

原來香港開埠初期，香港人洋人印度人大集會，而放貴利的多數係「白頭摩羅」，

這些「摩羅差」戴白頭巾，所以人人都叫地做「白頭摩羅」。

「白頭摩羅」扮相古怪，愛戴一只大如銅元的耳環，所以耳朵要穿個耳洞，

港人覺得可憎，稱他們為「大耳窿」。

不過，還有一個說法，當時放貴利，都是放小額款項如三幾角錢，給勞苦大眾，

為使人們知道他們有錢借，便把一個銀元塞在耳朵的耳窿，作為記號，令人認得。

「一蚊雞」的由來

原來我地所講「一蚊雞」係與塘西風月扯上關係；話說去塘西召妓，初步手續先寫一張「花紙」，

而格式亦有一定，先寫自己名號(以幾自稱)，中間寫妓女名字，最後一行寫妓院名稱。

寫好之後，便交由酒樓雜役帶去妓院，那些阿姑接到「花紙」，便應召出局。

妓女次局票收一元，而省港人士向來稱妓女為「雞」，

既然一元召得一「雞」，後來就索性稱一元做「一蚊雞」。

順帶一提，這一元只是陪笑而已，屬體面上的手續，

如果飲客要有更進一步的行動，還要花很多很多錢，這「一蚊雞」只係美夢開始！

「十三點」的由來

「十三點」是上海市井俚語，因為解放之後大量上海人南移，才變成趣怪廣州話。

「十三點」初時意謂「敲亂鐘」，原來舊時的時鐘，每一小時便報時一次，

例如下午四時，鐘擺便會敲響四下，五點敲五下，至多係十二點，也不過敲十二下，

但居然敲出十三響，唔通有十三點咩？

當然係出問題，正如俗語所講癲癲地！所以，十三點就係代表人既性格癲癲地。

「捉黃腳雞」的由來

原來呢個搞笑俗語係出自廣東的農村，農民養雞，專養雌雞而唔中意養雄雞，因為雌雞可以生雞蛋，

所以價錢不錯。所以如果要拜神，當然先攞雄雞黎拜，點捉雄雞？

農民先將穀撒在門外，群雞就會「雞腳」食穀，當班雌雞食緊穀時候，班雄雞就「色心起」！

懶得去食穀，一撲就撲上雌雞背上，交配   ...... 

呢個時候，正係捉雄雞的最好時候，那班雄色鬼當時並無防範，

農民捉住它的雞腳，就得啦！雄雞的雙腳呈深蛋黃色 。 

註：

(1) 此批「廣東俚語」的由來來自網上，現與各位 Blog 友一同分享。

(2) 此「草蜢 BB」相片攝於「灣仔峽公園」。