終於近距離影到妳啦！

(攝於 2007 年 4 月 13 日)

今日食完晏差唔多返到公司時，

竟然俾我見到佢週圍咁飛，

當然佢梗係慣常咁飛得好快，

咁啱附近地下又有好多灘水，

唯有趁佢係地下飲緊水時細心欣賞佢啦！

睇睇吓突然靈光一閃，不如返公司攞部相機影低佢。

(以前都有影過佢，不過效果一般，同埋距離冇今次咁近)

攞完相機後好彩佢仲係到，

梗係趁佢停低時博命影佢啦！

(雖然佢大部份時間週圍飛)。

終於滿意地離開並立即返公司上載相片到電腦上慢慢欣賞，

怎料所有相片都係曚查查一片，效果實在令我非常失望。

心諗不如再出去影多次，結果佢真係仲係度，但就唔多願意停低，

正當失望並準備放棄之際，佢停咗係度飲水，

於是我一步一步地接近佢，並不斷向她連環快拍，

在十幾張相中都有三四張滿意，

而家就同大家一齊分享，

希望大家鍾意。

佢係邊個？

咪「青鳳蝶」囉！

香港一年四季都會見到佢架，係市區都會見到 (我呢次咪係囉！)

只要大家放慢腳步，細心留意週圍的事物，

定會有意外既發現架！