昂貴的 Red Stone Bar & Grill 晚餐

「限量供應的 Prime Rib 配紅酒汁」~ $285

一向對於食都冇所謂的我，經家人的推介後，

昨晚與家人朋友們來到這間位於尖東的 Red Stone Bar & Grill 品嘗這裡最出名的肉扒，

我們五個人共點了以下菜式：

頭盤：「Red Stone Salad 沙律」、「Red Stone French Fries 薯條」、「Creamy Spinach 忌廉菠菜」

主菜：「限量供應的 Prime Rib 配紅酒汁」、「肉醬意粉」、

「飲用荷蘭牛奶長大的小牛肉扒 Veal Chop 配蘑菇汁」

當上檯時便覺得份量並不足夠，最好笑就是那個「忌廉菠菜」上咗檯都唔知，

自己仲以為係配那些肉扒的汁 (因它的賣相酷似食羊扒時那些薄荷汁)。

由於份量的緣故，我們再叫多以下菜式：

主菜：「意式煙肉扁麵 Linguini」、「Pizza di Salcisa 薄餅」

甜品：「紐西蘭天然雪糕」

以下純粹個人對各大菜式的小小意見：

「Red Stone Salad 沙律」~ 以為是招牌沙律，原來係最普通不過的普通沙律。

「Red Stone French Fries 薯條」~ 亦都一樣，以為是特色薯條，原來係最普通不過的普通灑鹽薯條。

「Creamy Spinach 忌廉菠菜」~ 好 Creamy、好好味，幾花功夫製造的忌廉菠菜。

「限量供應的 Prime Rib 配紅酒汁，即第一張相」~ 賣相不錯，肉質好 Juicy，朋友們大讚。

「肉醬意粉」~ 意粉煮得好爽口，不太諗身，但肉醬一般。

「飲用荷蘭牛奶長大的小牛肉扒 Veal Chop 配蘑菇汁，即第二張相」~ 形容到咁所以有 D 期望，但可惜份量太少，每人只分到一片肉仔，我覺得幾好食，但食唔出同一般的有咩分別。

「意式煙肉扁麵 Linguini」~ 扁麵好有咬口，白汁做得好好，但配煙肉就變得普通。

「Pizza di Salcisa 薄餅」~ 食得出係好地道的傳統家庭式製造的薄餅，但可惜份量小。

「紐西蘭天然雪糕」~ 好濃郁的拖肥味，好好味，係飽餐裡的一道清泉。

最後評價：

以我 cheap 友來說，真的好貴，並非物超所值，只此一次幫襯，因為試過也算擁有嘛！哈哈！

  

 

「飲用荷蘭牛奶長大的小牛肉扒 Veal Chop 配蘑菇汁」~ $230