紐西蘭 Farmstay 住的家

我係 [紐西蘭] 既屋企係咪好靚呢？.......  

係呀！傳統 [英國]  Style，

有個大客廳、大飯廳、幾個不同佈置風格既房間，

細心留意，屋企每個角落都精心佈置及放了不少擺設，

有點刻意但並不造作、不突兀，睇落好自然！

見我坐得咁舒服就知啦！

嘻嘻！我都好想係我屋企！

其實係在 [紐西蘭] 北島的一個小鎮

 Karapiro 農舍住宿 (Farmstay) 既屋企，

屋主是對年老既夫婦，非常友善及隨和，

但老太太就比較多野講 D，都好呀，包唔會有冷場！

去到既時候已經是下午，

老伯伯首先帶我們去附近既牛棚學搾牛奶  ，

心想今次終償所願，

但當戴好哂手套及圍裙行近幾隻黑白乳牛既時候，

第一個反應係：o下！    乜而家先進到咁既地步！.....

已經全部用機器代替人手去搾牛奶，

而我負責做的，就是將外型酷似漏斗吸盤的儀器套在乳牛的奶頭上。

別以為好簡單、好輕易，其實那個儀器都幾重，

而且一不留神，就唔覺意吮住左 D 手指，

而且又要小心 D 乳牛會唔會抽後腳踢你，

因為企既位置係佢地後面，若唔覺意將個儀器大力吸落去，

唔知會唔會因而激怒佢，佢一下踢落黎就死得啦！

但總括來說都幾好玩，當係一個體驗！

到了晚上，

當然要同屋主共進晚餐，

屋主是晚亦邀請了兩三位朋友一同用膳，當然好啦，

你一句、我一句，這樣就會多 D 話題，包唔會有 Dead Air 嘛！

那一刻在想，

身為不是英文為母語既香港人幾好呀，

有時在某些場合傾談某些話題時而又唔想比對方知，

可以突然以廣東話溝通，

因為對方完全聽不懂，可以安心講，

但對方的母語為英文，儘管他們講得細聲 D 唔想講比我地知，

我地都可以聽得懂 ...

哈哈！係咪好好呢！ 

晚飯過後，屋主帶我們走出屋外睇星，

由於位處郊外，遠離城市燈光影響，

抬頭一望盡是繁星點點，

仿如置身於天象廳，不需天文望遠鏡已可清楚看見很多星星，

感覺好近、好光、好大粒！

 到了睡覺時間  ，一熄燈。

嘩！漆黑一片，真係伸手不見五指！ 

係真架！環境黑到要將 D 手指貼到埋隻眼到先至見到。

仲有 D 環境靜到 Run Run 聲，完全靜到瞓唔到，

要適應一段時間先至可以瞓得著。

相信在外國郊區住過既朋友，一定明白我既感受！

翌日早上已陽光照入屋了，

跟屋主在花園裡吃過豐富既歐式早餐後，

他們便帶我們在附近環境逛逛，

參觀他們的花園、果園、鄰居的馬場等自然環境，

很舒服、很悠閑！ 

這才是我心目中的 Farmstay、

心目中的 [紐西蘭]！ 

註：這張相就係o係食完早餐後走入客廳影既，D 陽光真係好舒服！