係呀!傳統 [英國] Style,
有個大客廳、大飯廳、幾個不同佈置風格既房間,
細心留意,屋企每個角落都精心佈置及放了不少擺設,
有點刻意但並不造作、不突兀,睇落好自然!
嘻嘻!我都好想係我屋企!
其實係在 [紐西蘭] 北島的一個小鎮
Karapiro 農舍住宿 (Farmstay) 既屋企,
屋主是對年老既夫婦,非常友善及隨和,
但老太太就比較多野講 D,都好呀,包唔會有冷場!
去到既時候已經是下午,
心想今次終償所願,
但當戴好哂手套及圍裙行近幾隻黑白乳牛既時候,
已經全部用機器代替人手去搾牛奶,
而我負責做的,就是將外型酷似漏斗吸盤的儀器套在乳牛的奶頭上。
別以為好簡單、好輕易,其實那個儀器都幾重,
而且一不留神,就唔覺意吮住左 D 手指,
因為企既位置係佢地後面,若唔覺意將個儀器大力吸落去,
唔知會唔會因而激怒佢,佢一下踢落黎就死得啦!
到了晚上,
當然要同屋主共進晚餐,
屋主是晚亦邀請了兩三位朋友一同用膳,當然好啦,
你一句、我一句,這樣就會多 D 話題,包唔會有 Dead Air 嘛!
那一刻在想,
身為不是英文為母語既香港人幾好呀,
有時在某些場合傾談某些話題時而又唔想比對方知,
因為對方完全聽不懂,可以安心講,
但對方的母語為英文,儘管他們講得細聲 D 唔想講比我地知,
我地都可以聽得懂 ...
晚飯過後,屋主帶我們走出屋外睇星,
由於位處郊外,遠離城市燈光影響,
抬頭一望盡是繁星點點,
仿如置身於天象廳,不需天文望遠鏡已可清楚看見很多星星,
感覺好近、好光、好大粒!
係真架!環境黑到要將 D 手指貼到埋隻眼到先至見到。
仲有 D 環境靜到 Run Run 聲,完全靜到瞓唔到,
要適應一段時間先至可以瞓得著。
相信在外國郊區住過既朋友,一定明白我既感受!
翌日早上已陽光照入屋了,
跟屋主在花園裡吃過豐富既歐式早餐後,
他們便帶我們在附近環境逛逛,
參觀他們的花園、果園、鄰居的馬場等自然環境,
這才是我心目中的 Farmstay、
沒有留言:
張貼留言